كل الأدوات

الكفالة والصيانة

أكتر كفالة بتضيع مو لأنها انتهت، بس لأن صاحبها نسي إنها موجودة. سجّل التواريخ مرة وحدة، ومنقلّك شو لسا مغطّى وشو لازم تفحص هالسنة.

نظامك

مدة الكفالة لكل قطعة (سنة)

—

—

حالة الكفالات

القطعةالمدةبتنتهيالحالة

فحص الكفالة مع فنّي

فنّي معتمد بيعمل الصيانة السنوية، بيوثّق حالة القطع، وبيتابع الكفالة مع الشركة إذا في شي تحت الكفالة.

احجز صيانة سنوية وفحص كفالة — $20

روزنامة الصيانة

كلها فحوصات بتعملها بنفسك من الأرض أو من السطح بدون ما تفك شي.

كل شهر — اقرأ إنتاج الشهر على شاشة الإنفرتر وقارنه بالشهر يلي قبله أسهل طريقة تكتشف مشكلة قبل ما تكبر: نزول مفاجئ يعني في شي صار.
كل شهرين (أو بعد كل عاصفة) — نظّف الألواح أرخص صيانة وأكبر مردود. شوف «جدول التنظيف» لتعرف متى بالضبط.
كل ٦ أشهر — افحص الكابلات والوصلات بالعين دوّر على تشقّق بالعزل، وصلة سودا أو محروقة، أو كابل صار ملامس للسطح.
كل ٦ أشهر — شدّ براغي الهيكل هوا حلب بيفكّها مع الوقت. برغي مرتخي = لوح طاير بأول عاصفة.
كل سنة — نظّف مروحة الإنفرتر وفتحات التهوية الغبار بيسدّها فيسخن الإنفرتر ويخفّض قدرته أو يفصل بعزّ الظهر.
كل ٣ أشهر — افحص أطراف البطاريات ومستوى السائل بطاريات الرصاص السائل بدها مي مقطّرة. الليثيوم ما بدّو — تجاوز هالبند.
في مشكلة بنظامي ← جدول التنظيف

مدد الكفالة الافتراضية هي المتعارف عليها بالسوق — بدّلها بالمدد المكتوبة بورقة كفالتك أنت. انتبه للفرق: كفالة المنتج (لو خرب اللوح) عادة ١٠–١٢ سنة، وكفالة الأداء (إنو يضل ينتج نسبة معيّنة) عادة ٢٥ سنة — وهي أصعب بالمطالبة لأنها بدها قياس. عمر البطارية بحلب أقصر من المكتوب بسبب الحرارة.